Ang sakripisyo sa labas ng bahay ni Kuya

Kung naalala nyo pa na may post ako about sa pagtitipid. 'Yung paglakad ko instead na magdouble ride, ang pagbawas ko ng mass offering, ang pagkain ko ng one cup of rice instead na mag-order pa ng extra rice. Ang hindi nyo alam may purpose 'yun.

Eversince na nagkaroon ako ng sariling hanapbuhay, hindi ko pinagkaitan ang aking sarili. Binili ko ang gusto kong bilhin. Kinain ko ang inaasam kong kainin. Nagawa ko na ang gusto ko. Nasatisfied na ako sa mga ginawa ko. And I learned pag sobra, it's worst din pala kahit na mabuti. Like kung nasobrahan ka ng kain, sumasakit rin pala ang ulo o tiyan mo. Minsan kailangan mo ring maglakad para ma-exercise ang iyong katawan.

Nagtitipid ako para makaipon. Hindi dahil may gusto akong bilhin ngayong pasko tulad ng bagong damit o ano mang materyal na bagay. The bottomline is, gusto kong magsakripisyo. 'Yung sobra sa buhay ko, binawasan ko. Dahil sa nagkaroon na ako ng satisfaction at halos nagawa ko na ang gusto ko, napaisip ako minsan habang nadaanan ko ang trisikad driver, 'yung mga batang nangungulekta ng basura, 'yung mga pulubing nanghihingi ng limos. Naitanong ko sa aking sarili: "Nagkaroon ba sila ng mamahaling damit o nakakain ba sila ng masarap na pagkain?" Maraming beses na ako naka-encounter ng pulubi na humihingi ng limos pero hindi ko ugali na magbigay ng pera kaya wala silang may makuha sa akin. Gusto ko magbigay ng pagkain kasi alam ko na diretso ito sa bituka nila.

Kagabi habang naglalakad ako papunta sa bakeshop upang bumili ng pagkain para sa dinner ay may nakasalubong ako na batang aeta.Humingi ng pera pero hindi ko siya pinansin. Dumiretso lamang ako. Pagbalik ko ay inabot ko sa kanya ang isang slice na cake. Binili ko yun para sa kanya. 'Yun ay galing sa pera na na-save ko at 'yun ang purpose ng pagtitipid ko. Gusto ko rin maranasan na mag-sacrifice for the benefit or happiness of others. 'Yan ang natutunan ko kay bigbrother. I proved, hindi ko na kailangan pumasok sa yellow house para magkaroon ng sacrifice o task. Magagawa ko rin pala ito sa labas.